انا بنت لي بالصيت وقفات ومهابه ...... [الأرشيف]

مشاهدة النسخة كاملة : انا بنت لي بالصيت وقفات ومهابه ......

المزاج ـــية

03-Aug-2009, 01:33 AM

السلام عليكم ورحمة الله وبركاته

كيفكم بنااااااات :)

ان شاء الله كلكن بصحة وعافية

يقولون الفراغ شين

:confused:

وبصراحة شين وقوي عين بعد

وأحيانا يكون زين لانظلمه حرام

بنات كل الي قلته تراها مقدمة وحسيت اني أنتشبت
وماعرفت وش أكتب أنقذو الموقف و خلونا نخش في موضوعنا من غير مقدمات ووجع راس

وعنوان موضوعي القصد منه رفع للمعنويات لاتدققون

وموضوعي ياحلوات مرتبط بالفراغ
والفراغ يرتبط بالتجارب
وفيه تجارب تخلف كوارث
وفيه تجارب تخليك أميرة
كيف ..؟
أوضح لكم أكثر
في أوقات الاجازة والفراغ فيه وقت طويل مانعرف وش نسوي
تلفزيون وملينا
أنترنت ملينا
طلعات مو على كل حال
مالنا الا التجارب ياتصيب ياتخيب
مثل الكتابة
http://www2.0zz0.com/2009/08/02/22/657997756.jpg (http://www.0zz0.com)

نكتب قصةأو شعر أي هين أو أو أو

أو

http://up.arab-x.com/July09/4xT51630.jpg (http://up.arab-x.com/)
الحوسة في المطابخ هذا اذا حنا فالحات

أو

أو

أو

وباقي عندي صور بس للاسف ماقدرت أحملها
بأختصار تجارب في كل المجالات
المطلوب من الاخوات كل وحدة تكتب تجربة سوتها فاشلة خلفت كوارث وأصابات :o
أو ناجحه وخلت راسك من كبره مايطلع من الباب :rolleyes:
وطبعا ردة فعل ضحايا التجارب
هذا موضوعي بأختصار
واذا أعجبكم الموضوع سلموو على بنات أفكاري
وتجاربي جاية بالطريق
وأذا ماأعجبكم أبعطيهن أجازة أضافية الين ينسون الصدمة :(
واذا كان الموضوع مكررة فكرته
اتوقع عارفين وش الباقي
ننقذ الموقف
تك
تك
تك الى الصفحة الثالثة
وسلامتكم:)

المزاجـــــية

المتعلبشة الخنفشارية

03-Aug-2009, 01:57 AM

أفنان

03-Aug-2009, 05:46 AM

ياحبيلكم والله

والله يالمزاجيه انتي وعلبوشه كان قاهرني هالقسم
وقلت دامك يا أفنان صرتي مشرفه بدعي فيه
نزلت كذا موضوع مافيه فايده
بس بحاول ومستحيل أخلي الفشل يقرب
وبنتساعد إن شاءالله

امممممم مريت بتجربتين واللي حولي يحبطوني
طبعاً كنت فاضيه لدرجة الملل هذا الكلام الترم الأول لأني كنت ماراح أداوم بالجامعه إلا الترم الثاني <<ــ أشوى إني داومت ولا كان إنجلطت امي مني الله يحفظها لي
وصرت أجمع أفكار وأزين
صلحت قماش حلو وعلقته بالمطبخ
وصلحت معلاق للفوط الصغيره
هذا كله من الفراغ بس ع كثر التحطيم أبدعت بس كنت أواصل إخواني يروحون للمدارس وانا متربعه أخيط

بنزل صورها إن شاءالله وأخليكم تنبسطون

المتعلبشه يرحم والديك مالقيتي تخبصين إلا الجدران
تكفين مافكرتي في غيرها
الله يستر ع زوجك مايروح في خرايطها والسبه أفكارك

لي مواقف كثيررره
بس برجع لموضوعك المميز
جعل راسك سالم يالغاليه

المتعلبشة الخنفشارية

03-Aug-2009, 02:17 PM

عاد تصدقين افنان
ودي اغير لون غرفتي الحين وزوجي رافض
وش رايك اسوي نفس الحركة
انا عندي مشكله امل من الالوان بسرعة
احب اللون البيج
يارب زوجي يسافر له يومين ههههههههه

ورينا مهاراتك علشان نبدع اكثر
جرئينا

قاهرتهم..}

03-Aug-2009, 06:25 PM

مووضوع خطييييييييييييير

يارب يلقى تفاعل موب ينجحد

يارب وش قد هببت وش وش << فيس رافع عيونه فوق يفكر

والله مااذكر شي بس اذا ذكرت برجع ،،

علبوووشه ممكن صوره للغرفه يمكن تجوز لي واخليس تعتقين غرفتي :)

أفنان

03-Aug-2009, 06:59 PM

لايرحم والديك إلا المسيكين إرحميه

يختي إستعملي البويه اللي ع شكل أقمشه

مو عشان ترتاحين أهم شي تريحين هالمسيكين

ياحبيلك والله

الله يخليه لك ياارب
وبتشوفين الصور اليوم
إن شاءالله

المزاج ـــية

04-Aug-2009, 05:00 AM

ههههههههههههه ياحبيلكم
تسلمون يالغاليات عالتفاعل
ماحبيت أمر من غير ما أشكركم
ولي رجعة عالتعليق كلن وأسمه

وحياكم

أفنان

04-Aug-2009, 05:10 AM

http://up.arab-x.com/Aug09/RGD51661.jpg

هذا اللي صلحته وعلقته بالمطبخ

http://up.arab-x.com/Aug09/ExU51661.jpg

وهذي فواحات حمام الله يكرمكم
صلحتها بعد

والباقي عاد بجيبه بعد مانشوف تفاعل الباقين

المزاج ـــية

04-Aug-2009, 11:51 PM

يامزجوجه
والله مواضيعك خنفشارية
يا كثر خرابيطي
وخاصه للشعر وللبشره والمطبخ
اتذكر اشياء اجلس اضحك ساعه منها مال امها داعي
هبال وغرابيل
بس كاني عقلت والحمد لله
هبالي يبي له موضوع لحاله عشر صفحات ماتكفي
وكلها تنتهي بكارثة
اخرتها زوجي بيطردني من البيت ههههههههه
ذكرتيني وجلست اضحك
هههههههه
ياربي
مره من المرات ايام العزوبيه
امي رايحه لاهلها ومافيه الا انا واخواني بالبيت
ولون غرفتي ابيض وكل مره اقول لامي تكفين غيري لونها تقول بعدين
يوم راحت لاهلها تجلس يومين
قلت لاخوي الصغير جب لي بويه تعتيق وبويه عاديه واعطيك خمسين ريال وكانت من مكافاة الجامعة
وجابها كلفتني 350
صبغت الغرفة طلعت مقبوله 50 بالميه
انغريت
تدرين وس سويت
قلت خليني اعتق الدولاب والباب من برا ومن داخل
استغفر الله العظيم
طلعت ترقيع امي صابتها صدمه انهبلت
ولما شافت الدولاب والتسريحة والسرير
قالت لا انهبلتي
اممممممممممممممم وخذت اربع مكافات مني علشان تضبطها اهي اهي اهي
وبس
عندي واجد اذا تبين قولي
ترى الغرفة طلعت دمار

ههههههههههههههههههههههههه والله اني جلست أضحك عليتس

لاتكفين نبي عطينا واذا عندك صور أجدعيها بعد

اذا جا الصبغ على الجدران هين
لكن اذا جاك على شعر مهوب هين:D
على طاري الصبغ هذاك اليوم فاضيين ووحدة قريبتن لنا عندها زواج بعد يومين
قالت وش السواة يافلانة أبي لووك جديد
قلت ماعندك الا الصبغ
قالت يالله على يدك بس وش اللون ..؟
قلت لاتحتارين الاصباغ ياكثرها انتي اختاري اللون وتعالي
وأروح معها نختار اللون
وهي متخوفة مني تقول كل مااناظرك الاقيك تضحكين صدق وش عندتس
سفهتها مارديت عليها قلت لها تذكرت شي وضحكني :D
بيني وبينكم لاتذكرت شي ولا غيره كل مافي القصة
انوه قد سمعت اذا ماحصلتي اللون المعين الي بخاطرك تقدرين تخلطين لونين مع بعض من الاصباغ ويطلع لك لون الي انتي تبينه
قلت ومادامها جت لعندي ليه مااجرب فيها :rolleyes:
قالت ابي لون معين ومحتارة قلت اختاري لونين يقولون انو زين :D
متأكدة انتي
مدري بس يمدحونه
طيب وش اختار
الي تبين
وتختار وتطلع ياقلبي عليها

مدري مانيب متطمنة <<<<< هي تقووول:D
وخلطنا وجا وقت الصبغ
وصبغنا الشعر وباقي منه شوي كنت أبرميه
قالت لاء
أنا تغير وجهي :
وراه ..:confused:؟

بس خليه أحتاج له <<<<<<<<<بيني وبينكم حسيت بقشعريرة مو متطمنة من كلمتها
جت الربع ساعة قالت ناظري طلع اللون قلت عطيه نص ساعة زيادة خليه يزين اللون
ومرت النص ساعة تخللها سواليف ومزوحات
وجاك الموت يافلانة
قالت ناظري هااه زاان
أنا ناظرت ليتني ماناظرت:cool:
ايه ايه وش زينه اتروشي بسرعة
ونا على أحر من الجمر
وترجع وعلى راسها أولع من الجمر :D
وتناظرني بنص عين
قلت اصبري جففي شعرك مايبان اللون مع الموية
قالت الى متى أصبر عليك
قلت جففيه قبل همن كلميني
ووجففته وجت
ووقفت تحت اللمبة هههههههههههههههههههههه
وربي ماتفرقينه عن لون اسمي
جمرة غضى
قلت لها فيك شبه من الشحرورة صباح :D

قالت وين باقي العلبة ..؟<<<<<<<<<< قمت ابلع بريقي وضاعت علومي
ليه :confused:<<<<<<<<<< حسيت بالخطر
هاتيها
مدري وينها :confused:
هاتيها مادام النفس عليك راضية
وقمت اتسحب ربع ساعة الين عطيتها
تعالي
أنا :confused:
ايه
وشوو

ولاكـــــــــــــلمة

ليه طيب ..؟

قلت لك ولا كــــلمة

وترعص باقيه وتكمل العلبة على راسي وبحكم انو الصبغ الي باقي قليل فيه قسم مصبوغ وقسم مو مصبوغ والباقي عليكم تخيلو المنظر :p

ويعطيك العافية علبوشة ياام الفزعات
ولاتحرمينا تجاربك
بانتظارك

المتعلبشة الخنفشارية

05-Aug-2009, 12:25 AM

تستاهلين ياالمزاجية
هههههههههههههههههه
مشكلتي ما صور ابداعتي بس بصورها بعد اليوم
ههههههههههههههههههههههههه

حلوه اللي سويتيها يافنان هذه مو كارثة

أفنان

05-Aug-2009, 04:59 AM

الكارثه تعليقات امي

واخوي

اما المزاجيه
تساهلين ماجاك
لعبتي في المره
اتخيل شكلك جهه مصبوغه وجهه لا
كنه راس عجوز ملق من يحنيها

المزاج ـــية

05-Aug-2009, 07:22 AM

ياحبيلكم والله

والله يالمزاجيه انتي وعلبوشه كان قاهرني هالقسم
وقلت دامك يا أفنان صرتي مشرفه بدعي فيه
نزلت كذا موضوع مافيه فايده
بس بحاول ومستحيل أخلي الفشل يقرب
وبنتساعد إن شاءالله

ان شاء الله ماعلينا قصور قاعدين له
أسكتي يا أنه رافعن ضغطي
ولو تلاحظين معي الي يشاركون ياحبيلهن حافظتهن بالعدد خمسة ونقول ستة
قمت أشك انو قسم حواء وربي
والاقسام الثانية ماتلحقين
ماعلينا
هماه انتم يالسته موجودين نجح الموضوع هو أو غيرهامممممم مريت بتجربتين واللي حولي يحبطوني
طبعاً كنت فاضيه لدرجة الملل هذا الكلام الترم الأول لأني كنت ماراح أداوم بالجامعه إلا الترم الثاني <<ــ أشوى إني داومت ولا كان إنجلطت امي مني الله يحفظها لي
وصرت أجمع أفكار وأزين
صلحت قماش حلو وعلقته بالمطبخ
وصلحت معلاق للفوط الصغيره
هذا كله من الفراغ بس ع كثر التحطيم أبدعت بس كنت أواصل إخواني يروحون للمدارس وانا متربعه أخيط

ههههههههههههههههههههههه ماشا الله عليك
تكفين أفتحي لنا فصل بالقسم أقلها نفلح بشي
وبالذات الخياطة بيني وبينها ثار
سبحان من يقلب مزاجي اذا مسكت قماش وابرة تقولين ماسكتن لوح مسامير
أفلح شي أسويه لما أشك الخيط بالابرة على قولتهم سنعة فيها وخري عن دربي
والباقي أرفعي ايدتس
وماشا الله عليك بعد الصور ماعندي تعليق
الله يحفظك ويزيدك
ومادامك نزلتي ابداعاتك
أحاول أعرف طريقة كيف انزل الصور ونوريكم انفجاراتنا

لي مواقف كثيررره
بس برجع لموضوعك المميز
جعل راسك سالم يالغاليه

التميز وجودك بينا خييتي
ويسلم راسك يالغالية
بانتظارك:)

أفنان

05-Aug-2009, 08:06 AM

ولا يهمك ياتاج راسي
بنزل موضوع أعلمكم كيف تخيطون
محسوبتك عشقها التطريز والخياطه

كم المزاجيه عندنا

المزاج ـــية

05-Aug-2009, 08:10 AM

ولا يهمك ياتاج راسي
بنزل موضوع أعلمكم كيف تخيطون
محسوبتك عشقها التطريز والخياطه

كم المزاجيه عندنا

تسلمين ياقلبي
ولا اقولك تسلمين يالغالية :d:D
وماشا الله عليك

المزاج ـــية

05-Aug-2009, 08:41 AM

مووضوع خطييييييييييييير

يارب يلقى تفاعل موب ينجحد

:)

والاخطر مرورك يالغالية لك فقدة تو مانور القسم

وخليه ينجحد غيره مواضيع انجحدت وماهمنا

غيره بداله ;)
يارب وش قد هببت وش وش << فيس رافع عيونه فوق يفكر

والله مااذكر شي بس اذا ذكرت برجع ،،

علبوووشه ممكن صوره للغرفه يمكن تجوز لي واخليس تعتقين غرفتي

تفكرين من كثرهم هههههههههههههههه
فكري وحنا بأنتظاركم يالغالين وبانتظار علابيشها :)